Lög félagsins
- Nafn félagsins er Félagsfræðingafélag Íslands. Heimili þess og varnarþing er í Reykjavík.
- Tilgangur félagsins er að efla fræðilega umræðu meðal félagsmanna; hafa áhrif á almenna umræðu um þjóðfélagsmál og standa að ráðstefnum og fyrirlestrum um félagsfræðileg málefni. Félagið stendur jafnframt að útgáfu fagtímarits samkvæmt samningi þar að lútandi.
- Félagsmenn eru þeir sem lokið hafa háskólaprófi í félagsfræði eða skyldum greinum, skráð sig í félagið og greitt félagsgjald.
- Stjórnin boðar til félagsfundar þegar hún telur þörf á eða 5 félagsmenn óska þess. Boðað skal til fundar skriflega með viku fyrirvara.
- Aðalfundur hefur æðsta vald í málefnum félagsins. Skal hann haldinn í janúar eða febrúar ár hvert. Aðalfund skal boða með auglýsingu í fjölmiðlum, pósti eða tölvupósti til félagsmanna með viku fyrirvara hið minnsta. Með fundarboði skulu fylgja fram komnar tillögur um lagabreytingar. Dagskrá aðalfundar skal vera svohljóðandi:
- Skýrsla fráfarandi stjórnar.
- Endurskoðaðir reikningar lagðir fram til afgreiðslu.
- Lagabreytingar.
- Kosning stjórnar og skoðunarmanna reikninga.
- Kosning fulltrúa í Samband norrænna félagsfræðinga.
- Félagsgjald.
- Önnur mál.
- Stjórn félagsins skipa fimm menn: Formaður, ritari gjaldkeri og tveir meðstjórnendur. Stjórn og þriggja til sex manna varastjórn skal kosin til eins ár á aðalfundi félagsins. Formaður skal kjörinn sérstaklega á aðalfundi, en að öðru leyti skiptir stjórn með sér verkum. Fulltrúar félagsins í Sambandi norrænna félagsfræðinga skulu kosnir á aðalfundi og starfa frá 1. júní ár hvert til 31. maí ári síðar.
- Stjórn félagsins ræður málefnum þess með þeim takmörkunum sem lög þess setja. Hún tekur nánari ákvarðanir um starfsemi félagsins og ber ábyrgð á fjárreiðum þess. Hún skuldbindur félagið gagnvart öðrum aðilum og er undirskrift formanns og gjaldkera nægileg til þess. Fyrir meiriháttar fjárhagslegum skuldbindingum þarf samþykki félagsfundar. Gerðir stjórnar skulu bókaðar.
- Reikningsár félagsins er almanaksárið.
- Félagið er aðili að Samtökum norrænna félagsfræðinga og annast öll samskipti við þau félög samkvæmt reglum þar að lútandi.
- Lögum þessum má aðeins breyta á aðalfundi. Til lagabreytinga þarf 2/3 greiddra atkvæða.
Lögum félagsins var síðast breytt á aðalfundi þann. 17. febrúar 2017.