11. ráðstefnan um íslenska þjóðfélagið

11. ráðstefnan um íslenska þjóðfélagið
„Mannöldin“

Kallað er eftir ágripum erinda fyrir 11. ráðstefnuna um íslenska þjóðfélagið, sem haldin verður í Þekkingarsetrinu Nýheimum á Höfn í Hornafirði dagana 12.-13. maí 2017. Fræðafólk úr öllum greinum hug- og félagsvísinda er hvatt til að senda ágrip af erindum byggðum á eigin rannsóknum.

Yfirskrift ráðstefnunnar tengist því að á síðustu árum hafa augu fræðifólks og almennings opnast fyrir djúpstæðum áhrifum mannskyns á grunnferla Jarðar og lýsir hugtakið þeirri hugmynd að mannkynið og tilvist þess sé nú orðið jarðsögulegt afl í sjálfu sér. Að þessu sinni er sérstaklega óskað eftir erindum sem lúta að “Mannöldinni” með einhverjum hætti, en viðfangsefni ráðstefnunnar munu að öðru leyti ráðast af því efni sem fyrirlesarar kjósa sjálfir að ræða um. Hér verður því svigrúm fyrir fræðafólk úr öllum hug- og félagsvísindagreinum til að koma rannsóknum sínum á framfæri og deila með fræðasamfélaginu.

Keynote fyrirlestrar:
1. Gísli Pálsson “Jarðsambönd (geosocialities)“
2. Sigrún Ólafsdóttir “Sjúkdómsvæðing Geðrænna Vandamála: Ísland í Alþjóðlegum Samanburði”

Gert er ráð fyrir að bæta við 1-2 keynote fyrirlestrum sem munu taka mið af efni ágripa.

Miðað er við 20 mínútuna erindi, ásamt rúmum tíma til umræðna. Ágrip af erindum (hámark 250 orð) skulu berast eigi síðar en þriðjudaginn 4. apríl n.k. til Hugrúnar Hörpu Reynisdóttur (hugrunharpa@nyheimar.is).

Gagnlegar upplýsingar:
• Ráðstefnugjald er venju samkvæmt 5.000 kr á mann, þátttakendur greiða sjálfir ferðakostnað, gistingu og mat.
• Tekin hafa verið frá herbergi á gististöðum á Hornafirði fyrir gesti en ganga þarf frá pöntun gistingar fyrir 15. apríl. Fyrir frekari upplýsingar hafið samband við Hugrúnu Hörpu.
• Flugfélagið Ernir flýgur til Hornafjarðar sjá má áætlun þeirra á www.ernir.is
• Viðburðinn má finna á Facebook undir nafni ráðstefnunnar og verður ýmsum upplýsingum deilt þar, slóðin er: https://www.facebook.com/events/1280033385367218/

Endilega hafið samband við Hugrúnu Hörpu vanti frekari upplýsingar, S: 470-8088

Fengið af Facebook síðu viðburðarins.

Leave a Reply

Your email address will not be published. Required fields are marked *